!!!حـالـة

2008-01-14T12:29:00.000-08:00

اشتعال معركة الكادر الخاص للأطباء
حمدي السيد يهدد بتقديم استقالات جماعية للأطباء في حالة عدم تطبيق الكادر

د. حمدي السيد
كتب ـ محمد شعبان: دخلت أزمة الكادر الخاص للأطباء منعطفا خطيرا. قامت نقابة الأطباء بدراسة العديد من الوسائل لخطة التحرك تمهيدا لعرضها علي الجمعية العمومية، أول فبراير القادم وتشمل تنظيم اعتصامات في المحافظات في توقيتات معينة وعمل إضراب جزئي والتصعيد بتقديم استقالات جماعية للأطباء من المستشفيات الحكومية. وتجتمع اليوم لجنة دراسة الكادر الخاص بنقابة الأطباء لدراسة سبل تحفيز الأطباء علي حضور الجمعية العمومية وكانت اللجنة قد انتهت من وضع تصور مبدئي لخطة التحرك تمهيدا لتصديق الأطباء عليها في الجمعية العمومة القادمة.

قامت اللجنة بإرسال خطابات جماعية للأطباء تضم نص المشروع الخاص بالكادر الخاص.. ومذكرة من النقابة للأطباء لتحفيزهم علي حضور الجمعية العمومية. وناقشت اللجنة الاستعدادات الخاصة بالجمعية العمومية ودراسة مشروع الكادر الذي عرضه الدكتور حاتم الجبلي وزير الصحة منذ أسابيع علي النقابة للمرة الأخيرة تمهيدا لتقديمه الي مجلس الشعب بعد انعقاد الجمعية العمومية.

وأكد الدكتور حمدي السيد ـ نقيب الأطباء ـ أن هناك العديد من وسائل الضغط علي الحكومة وستتم مناقشتها في الجمعية العمومية.

وأضاف: أن النقابة تقوم بدراسة مشروع الكادر الخاص تمهيدا لعرضه علي لجنة الصحة بمجلس الشعب بعد موافقة الجمعية العمومية عليه. وهدد بأنه في حالة فشل كل الوسائل السلمية للحصول علي الكادر الخاص ستتم دراسة تقديم استقالات جماعية للأطباء من المستشفيات الحكومية والتفرغ للعمل في المستشفيات الخاصة.

ودي صوره من بيان لحمدي السيد

طيب ايه الداعي لكل ده؟

تعالوا مبدئيا نشوف منى الشاذلي بتتناقش في ايه

التعاطف لوحده مش كفايه يا استاذه منى
ونشوف اللي لسه متخرج يا بتوع سادسة قديم
اسيبكم مع الحوار ده والدكتور سواق التاكسي

يعني بنسمع كلام الريس في كل حاجه اشمعنى دي

و 30 سنه خبره بتاخد 729يعيني بالعافيه نص شهر في الايام دي
على فكره وكيل النيابه بياخد فوق ال1000 جنيه في بدايه حياته

وده اللي زعلان انه جاب مجموع في الثانويه العامه
الممرضه بتقبض اكتر مننا
وفي واحد باع هدومه عشان يتعلم
الغريب انه فيه واحد قاعد هنا بيتكلم عن دوله تانيه خالص ياترى مين هوه؟؟

نيجي بقى لفقرة المرح مع معتز

http://www.youtube.com/watch?v=cDN0PZB_m24

وفي النهايه نشوف كلام الدكتور الزعلان

بزعل اوى انى دكتور لما الاقينى فضلت ادرس 6 سنين وماخدتش خبرة حقيقية فيهم فى مجالى

بزعل اوى انى دكتور لما الاقى كل زمايلى حواليا وكل الناس بيتكلمو عن الدكتور والطب فى مصر وكل الكلام بأه ضلمة ووبهدلةومهازل

بزعل اوى انى دكتور لما افتكر حلم كل اب كان نفسه يدخل ابنه طب وميعرفش للأسف التفاصيل اللى بيمر بيها الدكتور من اول مايتخرج لحد مايموت

بزعل اوى انى دكتور لما الاقى نفسى داخل ف 26-27 سنة ولسه ماكونتش لنفسى كيان وطريق ثابت وباعتمد على اهلى ماديا

بزعل اوى انى دكتور لما الاقينى مضطر اتنطط بين المكروباصات وحد يبص لى ويقولى انت راجل دكتور متستخسرش ف نفسك

بزعل اوى انى دكتور لماالاقى النقابة ولا ليها اى صوت حقيقى ضاغط عالحكومة عشان تحسن وضعى ..امال اروح لمين؟؟؟!!!!

بزعل اوى انى دكتور لماالاقى انى محتاج الاف الجنيهات والليالى من السهر عشان اخد شهادة او اعادل شهادتى بشهادة برا عشان اروح بلد عربى بمرتب حلو لان شهادتى ف مصر متملاش عينهم واحنا بنحاول نقنعهم يعترفو بالزمالة بتاعتنا

بزعل اوى انى دكتور لما افتكر كمية الكوسة اللى كانت ف الكلية واللى كانت ف تعيينات الجامعة واللى ف الصحة واللى ف كل حاجةف المجال

بزعل اوى انى دكتور لما اسمع ف كلام عادى واحد بيتكلم عن ماحدش بينجح ف الماجستير من اول مرة ف الجامعة الفلانية وكأنها حاجة عادية او مسلم بها ويقول اصل هناك لازم تدخل كذا مرة عشان ينجحوك

بزعل اوى انى دكتور لماالاقى انى خرجت بعد 7 سنين ف الكلية مش قادر احدد لنفسى تخصص اشتغله

بزعل اوى انى دكتور لما الاقى تكليفى ف حتة بعييييييييييدة ومفييش مقابل يرضى ربنا ويصبرنا عالغربة والقرف والشحططة

بزعل اوى انى دكتور لما اسمع مهازل التكليف والنيابات واخلاء الطرف والعند المتخلف اللى بيقابل اللى عايز ياخد اجازة او يخلى طرفه او حتى يستلم نيابته

بزعل اوى انى دكتور لماالاقى واحد جايله نيابة ف مستشفى مفهاش التخصص ده اصلا ..باحس اننا بنتهزأ وبيتعلب بينا كورة ماحنا ملناش دية

بزعل اوى انى دكتور لمابفتكر انى مكنتش عايز ادخل طب بس اهلى هما اللى اصروا وانا دخلت ودلوقتى زعلان اوى انى دكتور

معلش...كنت مخنوق ومحتاج افضفض بس من غير ماحد يقاطعنى

2007-12-26T09:24:00.000-08:00

مفيش عبط اكتر من كده

الحزب الوطني يدعوا لانقلاب

2007-11-12T01:46:00.000-08:00

دي أعلام وشعارات جمهورية مصر العربية من زمان لغاية دلوقت

ودي تواريخها الصف اللي على الشمال الأول وبعدين الصف اللي على اليمين

1-شعار المملكة المصرية

2-علم مصر من 1923 الى 1958

3-شعار إتحاد الجمهوريات العربية

4-شعار جمهورية مصر العربية

5-علم مصر من 1826 إلى 1867 ومن عام 1881 إلى عام 1914

6-شعار الجمهورية العربية المتحدة

7-علم جمهورية مصر العربيةمن 1971 إلى 1984

لاحظ النسر كان فارد أجنحته

8-علم مصر من 1958 إلى 1971

9-علم مصر من 1867 إلى 1881ومن عام 1914 إلى 1923

10-جمهورية مصر العربية الآن

لغاية كده واحنا في التمام

بس مره وانا باتفرج على التليفيزيون اثناء انعقاد المؤتمر التاسع للحزب الوطني على احد القنوات الفضائية

فوجئت بشعار الحزب

لاحظ العلم مقلوب

نزلت بعدها الشارع وانا بامر من قدام مقر الحزب الوطني لقيت ان نفس الشعار موجود وبنفس الطريقه.

لا أراكم الله مكروها في عزيز لديكم

لو انا غلطان حد يفهمني؟؟؟؟؟؟؟؟؟؟؟؟

2007-11-01T04:51:00.000-07:00

دول عالم ثالث بقا

2007-10-23T11:21:00.000-07:00

حقك.....بس كده برضه غلط

2007-10-08T12:15:00.000-07:00

انظف بتاع عصير فيكي يا بلد

يبقى انت اكيد في مصر 2

2007-08-19T09:32:00.000-07:00

اصله واقف مخالف

يبقى انت اكيد في مصر 1

2007-08-01T11:06:00.000-07:00

الحمار فاهم انه ممكن يجيله بلهارسيا وانت لأ يا حمار

من

http://www.onlyineg.com/

2007-07-29T09:11:00.000-07:00

هاقدم موضوع عباره عن صور وعايز اجمل تعليق على كل صوره

انا عن نفسي هاكتب تعليق والصور هاتتضاف كل يومين صوره جديده

اه

العنوان/يبقى انت اكيد في

ميكرو ويف ولا قطر

2007-07-06T04:09:00.000-07:00

الساعة الان الثالثة وخمسة واربعون دقيقة درجه الحرارة لاتقل عن خمس واربعون درجه مؤية

اقف في الشارع منتظرا تاكسي ليقلني الى محطة اقطار

اصل الى محطة القطار قبل تحرك قطار الساه الرابعة المتجه الى القاهرة .انظر الى رقم العربة في تذكرتي لأجدها اول عربة في القطار لكنها خارج الرصيف اضطر اسفا ان ادخل الى العربة التي تسبقها حتى اصل الى مكاني(مابطيقش الزحمة)1

أصل الى مكاني بعد معاناة بسيطة لكنها تظل معاناه قد اتحملها كشاب لكن لا يمكن لامراه او رجل كبير ان يتحملها (عموما حمدلله على سلامتي وصلت كرسي رقم 6)

اضع حقيبتي في مكانها .لكني افاجأ بمالم يكن في الحسبان جميع من في العربة يمسكون الجرائد للتهوية (دي من استخدامات الجرائد عند المصريين)

انظر الى رجل مسن يجلس خلفي: هو التكييف مش شغال ولا ايه؟؟

تتحرك شفتاه التي يعلوها الندى (هو عرق بس عشان ممكن حد يقرف)ـ: التكييف هايشتغل دلوقت

ابتسم : طيب

اقف عند باب القطار قليلا قبل ان يتحرك

مجموعة من الرجال يسدون الباب يبدوا انهم يتحدثون الى احد الموظفين عن موضوع التكييف.

حاضر يا اخوانا التكييف هايشتغل دلوقت

يتجه الى مقدمة القطار ثم يرجع لينظر في لوحة الطاقة بالغرفة التي بجوار الباب

تمام اهو اشتغل

يرسم الرجال الواقفون عند الباب ابتسامة رضا على وجوههم ويدخلون الى اماكنهم

تحرك القطار في تمام الرابعة متجها مغادرا اسيوط متجها الى القاهرة

مرت نصف ساعة ولم يتغير جو العربة (احنا اتبعتنا يارجالة)ـ

يتجه احد الرجال الى باب القطار ليفتحه حتى يدخل الينا قليلا من الاكسجين.

تهب علينا نسمات الهواء الحارة لكنها اهون من الحر بدون هوا (الهوا حتى لو كان سخن بيعمل احلى شغل مع العرق)ـ

اسمع صراخا ياتي من الخلف يبدوا انها مشادة كلامية

انه الرجل المسن الذي يجلس خلفي (اللي انا سألته عن التكييف)يريد ان يغلق الباب لأنه يدخل القليل من ذرات التراب (هو راجل كبير بس مش قوى مش عارف شكله زهق من الحياة)ـ

يغلق الرجل المهذب باب القطار حتى لايؤذي رجلا مسنا

يزداد الجو حرارة مرة اخرى (الناس اديها تعبت من التهوية واستسلموا للعرق بس لسة عندهم امل وانا معاهم عندي امل برضه)ـ وصلنا محطة ملوي قمت من مكاني لاقف خارج القطار قليلا .لكني وجدت شابا عند الباب يسأل هل هناك مكان في هذه العربة

أنا: لأ وحرام تركب وتدفع مكيف وبغرامة وبعدين لاتلاقي مكان ولا تكييف

هو : يعني ميكرو باص احسن؟؟

انا : طبعا

يتحرك القطار (مش عارف مستعجل على ايه حتى مالحقتش اشم هوا برا)ـ

ارجع الى العربة لاجد الناس قد استعادوا نشاطهم وبدؤا في استعمال الجرائد مره اخرى (تهوية طبعا)ـ

يدخل احد الركاب العربة ووجهه يحمل ابتسامة كبيرة:الفني جه

يبدوا انه الفرج

يدخل الفني وقد تفاقم لدينا الامل في قليل من نسمات الهواء الباردة

ينظر الى العربه ثم يقوم بعمل مالم يخطر في بال احد من ركاب العربة

اخذ يفتح بعض شبابيك العربة (عندنا حل لكل حاجة)ـ لكن يبدوا انه اخطأ فحله الذي هو مقتنع انه عبقري لم يفلح الا في زيادة الحرارة (مش عارف فني تكييف ولا فني شبابيك بس شكله كان مستني اغنية والله وعملوها الرجالة!!!)ـ

وصلنا الى محطة المنيا حيث يتوقف القطار لـ عشرة دقائق

(المرة دي عرفت انزل من القطار عشان اشم شوية هوا كم انا سعيد)

فوجئت ان درجة الحرارة خارج القطار اهون من داخلة ويبدو ان المسؤولين قد احسوا بالكارثة داخل القطار

فقد كان هناك احد المشرفين يمسك جهاز اللاسلكي ويبلغ عن العربات التي بها عطل في التكييف

أحد الركاب يصرخ: ياريس اوعى تنسى عربية 9

يبدوا انه نساها فعلا فقد رأيت الحل بعيني

العمال يرشون العربات من الخارج بالماء

اسال المشرف : هما بيعملوا ايه؟!؟

المشرف : عشان التكييف مش شغال

(طبعا انت مستغرب زيي لكن....قال ايه___المصريين اهما...)

يدخل الناس الى القطار الذي لاتوجد به اي عربة يعمل بها التكييف وعلى وجوه بعضهم ابتسامة رضا(هو احنا شعب طيب ولا اهبل )ـ

ويمر الكمساري: تذاكر

أنا: انت عايز تذاكر

الكمساري : ايوه

انا : انا عايز تكييف

الكمساري : بايظ وممكن تاخد تعويض لما تنزل

انا: (اقتنعت القانون معاه) خد التذكرة

حالة من السكون تغلف العربة

أقوم من مكاني لاقتح باب القطار واقفل باب العربة الخاص حتى لا يتأذى الرجل المسن الذي اصبح وجهه شلالات من العرق

أفتح باب القطار ولا اغلق الباب الخاص بالعربة .... لا يعلق الرجل المسن

يتحسن الجو الراخلي للعربة قليلا بلنسبة للذين يجلسون قرب الباب لكن الجميع مازال يتصبب عرقا

بعد قليل ينسى الناس الجو الحار

انظر امامي فاجد امامي طفلة صغيرة تبتسم ابتامة بريئة وقد رشت عليها امها قليلا من الماء

فأجد في ابسامتها ارتياحا

يبدوا ان المصريين يتكيفون بسرعة لكن هناك شيئ يحيرني

(الراجل اللي قاعد جنبي مكشر مش عارف ليه؟!!)

الاستفتاء الحزين

2007-03-30T08:23:00.000-07:00

أثناء زيارة الرئيس لمحافظة اسيوط وذلك ضمن جولته لتحريض الناس عشان يصوتوا على البلد لما يعدلوا الدستور و اللي طلعت نتيجته 75%من اصل 27%صوتوا

السؤال هنا..........

لماذا يصفق الشعب ونواب مجلس الشعب(وطني طبعا)لممثل كوميدي(الزعيم) مرتين ويصفقون لرئيس الجمهورية(الزعيم برضه)مرة واحده!؟

.............. باختصارالاجابه

الزعيم الأول(الكوميدي) أضحكنا

الزعيم الثاني(الرئيس) أبكانا

2007-03-03T13:09:00.000-08:00

راقب افكارك لانها ستصبح تصرفات وراقب تصرفاتك لانها ستصبح عادات وراقب عاداتك لانها ستكون شخصيتك

(مقتبس)

2007-01-20T10:24:00.000-08:00

لا تنظري الى رقصي فيعجبك

فالطائر المجروح يرقص من شدة الألم

2007-01-20T10:09:00.000-08:00

الى كل العشاق

لاتصب حبك في محور واحد حتى يتسنى لك مواصلة الحياة بدون عذاب ومرار

(تجربة عاشق)

2007-01-16T14:09:00.000-08:00

البـهـلـوان

هيا يا أبي بسرعة لقد بدأ العرض ، يقو م الدكتور/ نصر بتثاقل شديد من على كرسي يقع في وسط صالة واسعة في شقته الكبيرة وعلى وجهه ابتسامة بدت مصطنعة بعض الشيء ، يأخذ مفتاح سيارته الجيب ويأخذ طفليه نرجس التي تبلغ من العمر سبعة سنوات وماجد الذي يبلغ من العمر عشرة سنوات وعلى وجه الطفلين تبرز ابتسامة فرح كبيره فهم ذاهبون الى احلى مكان للتسلية بالنسبة لهم (السيرك القومي) .
يفتح الدكتور / نصر السيارة ، يدخل الطفلين السيارة ليجلسا على المقعد الخلفي للسياره ويتجهوا الى السيرك.
يصل الدكتور نصر وقد بدأ العرض بالفعل ، يركض الطفلان كالعادة فهما يعرفان مكانهما في الصفوف الامامية ويذهب الدكتور نصر الى المقاعد الخلفية بعيدا عن الأطفال الذين يحتلون الأماكن الأمامية وأولياء أمورهم ينتظرون بجانب الدكتور/نصر .
انتهت اولى الفقرات المقدمة في هذا اليوم لتبدأ الفقرة الثانية .

يدخل الى المسرح رجل متوسط القامة يرتدي بدلة مرقطة بألوان صاخبة غير متناسقة لكنها تدل على البهجة ولاتستطيع تحديد ملامحه بسهولة لكثرة المساحيق التي يلون بها وجهه .
بدا عرضه بحركات مضحكة بالنسبة للأطفال لكنها مستفزة بالنسبة لأولياء أمورهم ، حاول المهرج أن يضحك الكبار كما يضحك الأطفال فتوجه نحو الصفوف الخلفية و أخذ يزيد من حركاته المستفزة حتى وصل للدكتور/ نصر،

توقفت عضلات المهرج عن الحركة ،نظر كل منهما الى الاخر كالمصعوق فالدكتور/ نصر يعرف هذا الوجه جيدا انه ليس ابيضا كما تبينه المساحيق انه حنطي انه يعرفه جدا ، زميله ايام الشباب لقد كان من أعز أصدقائه الى ان انقطعت اخباره بعد التخرج انه الدكتور/أحمد مسلم ، ماذا حدث له ؟؟؟
هم الدكتور/نصر أن يمسكه لكن المهرج ركض الى المسرح ليكمل عرضه بسرعة ثم أنهى العرض الذي بدا وكأنه لم يكتمل بعد، وكعادة الأطفال استمتعوا برمي المخلفات عليه ليزيد ضحكهم وقد يرمي بعضهم أحجار صغيرة قد تؤذيه ويستمرون في ضحكهم .
أنهى المهرج عرضه بسرعة وخرج من المسرح .
يقوم الدكتور/نصر فور انتهاء العرض ويتجه الى غرف تبديل الملابس خلف الستار وأخذ يبحث عن صديقه لكنه لم يجده ، يسأل عنه أحد العارضين فيقول له "ربما خرج من هنا الى المقهى المجاور"
يتجه الدكتور/نصر الى المقهى - والذي يبدو عليه التواضع، وعلامات الزمن تبدوا مشتركة بين المقاعد وبعض العجائز الذين يجلسون عليها- ووجد البدلة المرقطة .
يتجه الدكتور/نصر بحذر نحو المهرج
الدكتور/أحمد مسلم أليس كذلك؟!
لم يجب المهرج وانما سحب احد الكراسي المتهالكة ليجلس عليه الدكتور / نصر
نعم انا أحمد مسلم
...سكت الاثنين برهة ليبدأ الدكتور/ نصر بالكلام
ماهذا يامسلم هل تركت الطب واتجهت الى التهريج؟؟ ... هل ضاق بك الحال الى هذه الدرجة ؟؟... ثم لماذا لم تتصل بأحد من أصدقائك بما أنك في هذه الضائقة ؟... لماذا تفعل بنفسك هذا مقابل المال؟! .
استوقفه الدكتور/أحمد مسلم بحركة من يده (لم تكن ضائقة) ولم أتجه للتهريج و السيرك لاحتياجي الى المال فأنت تعلم ظروفي جيدا ثم انني لم اترك الطب أنا اعمل طبيبا نفسيا في احدى المستشفيات ولى دخل ممتاز من عيادتي الخاصة ، لكني وجدت سعادتي في ابتسامة الأطفال والكبار.. وجدت سعادتي في جعل الأطفال يخلدون الى النوم وعلى وجوههم ابتسامة بريئة وعلى وجوه آبائهم ابتسامة لأن أطفالهم سعداء أتألم حين يرمي الأطفال علىٌ بعض الأحجار الصغيرة لكن أبتسم حتى يضحكون.. أنظر في عيونهم فأجد ابتسامة تزيل همومي ...أسمع ضحكتهم فأنسى الام المرضى ... هل عرفت لماذا اعمل هذا العمل الذي لايطيقه حتى العاطلون .
اذهب يا دكتور/ نصر الى المسرح فسوف أنهى برنامج اليوم بعد قليل .
ينهى الدكتور / أحمد مسلم العرض و يخرج من المسرح ويغلق خلفه الستار تاركا خلفه

أحزان البهلوان.

شكر خاص لصديقي الرسام /عمرو عاطف عبدالسلام

2007-01-06T14:06:00.000-08:00

أول مرة يابحر أجيلك أنا من غيرها

ودي آخر مرة يا بحر أنا و انت هانفتكرها

(شكراً:مصطفى قمر)

2007-01-05T09:52:00.000-08:00

ياخوف قلبي يجيلك يوم وتصدمني**تمشي على جروح قلبي وتنكر احساسي

أخاف اليوم تلقاني وتسألني **شفتك وين ذكرني ترى ناسي

2007-01-02T14:01:00.000-08:00

لا تتسرع في الحكم على الحب ، فقد تتغير الظروف وتجد من يحبك ويقدر حبك

2006-12-28T14:15:00.000-08:00

أحزن اذا امطرت السماء في المساء لأن هذا يعني أن القمر يبكي

2006-12-28T12:50:00.000-08:00

أمل أمل

صمت مخيف يغلف الدور الأرضي من المستشفى العام حين قطعه صوت جرس الهاتف ، ترد احدى الممرضات

ها لقيتو دم؟....يعني خلاص مفيش أمل؟!..ماشي شكرا

تسأل رئيسة التمريض في لهفة

ايه مالقوش دم؟؟

لا مفيش غلبانه البنت دي

همهمة خفيفة تصدر من احدى الغرف بالدور الاول ، يجلس على السرائر الثمانية سبعة أمهات يرسمن صورة مشتركة ، العين حائرة والخد بدت عليه أحافير الزمن الحزين ، السرير الثامن تجلس عليه (أمل)الطفلة اليتيمة ذات ال17 ربيعا وقد التف حولها سبعة اطفال..

احكيلنا حكاية يا أمل والنبي حكاويكي حلوه زيك تبتسم أمل ليظهر في عينيها خجل الفلاحة المصرية

حاضرهاقرألكم حكاية جديدة بس هاقولكم على اسم الحكاية في الآخر ماشي؟؟

يضحك الاطفال فرحا وهم يقبلونها على وجنتيها التي بدت شاحبة من شدة الاعياء

تفتح امل الكتاب للأطفال : يلا صلوا على النبي....الاطفال في صوت واحد...عليه الصلاة والسلام

كان يا ما كان ، كان في قديم الزمان عصفور جميل يحب الغناء والرقص ، كان يعيش فوق شجرة لوحده ، كان يخرج كل صباح ليبحث عن

مأكله ليطعم نفسه ، لكن قبل ان يذهب للبحث عن الطعام كان لابد أن يأتي بالماء ليشرب مايكفيه من المكان المخصص له ، كان يأتي بالماء في هذا المكان ناس يحبون العصافير...وكانت هذه الشجرة التي يعيش فوقها العصافير بداخل حديقة كبيرة لرجل طيب جدا يترك العصافير تأكل من حديقته وتعيش فيها

في الطرف الاخر من الحديقة كان يجلس صاحب الحديقة في قصره ويقف أمامه رجل قوي البنية بدت عيناه لا تعرفان الرحمة وكأنه قاتل محترف خلق ليقتل بلا رحمة

يا صياد أريدك ان تقتل عصفورا

الصياد:اي عصفور ، العصافير كثيرة

صاحب الحديقة : هو عصفور يحب ان يغني وهو يشرب الماء من مكان محدد لايغيره لأنه لايعرف طريقا غيره لكن لاتقتله طالما يوجد ماء يشربه، حينما لايجد ماؤه اقتله.

الصياد:اسمح لي ياسيدي ان اسالك هذه المره ، لماذا أقتل عصفورا صغيرا لايؤذي احدا

صاحب الحديقة: حتى لا يقف الاشخاص الذين يحبون العصافير ينظرون حولهم اذا لم يجدوا ماء للعصافير ويجدوا لا اخر ليتمكن العصافير من الأكل بعد ذلك

الصياد : حسنا وذهب لينتظر عند مكان شرب العصافير

بعد مرور عدة ايام ، يستيقظ العصفور كعادته مبكرا ويطير فرحا نحو مكان الماء

العصفور ينتظر وصول الماء وهو يغني أغنية لايدري لماذا طرات على باله (حط الدبله وحط الساعة، حط سجايره والولاعه، علق حلمه على الشماعة...) ا

الشمس تغرب واليوم يلفظ انفاسه الاخيرة

يقف الصياد لينظر الى العصفور وقد تسلل الى قلبه شئ من الشفقة

لا ماء لك اليوم أيها العصفور

العصفور ينظر اليه وقد ادرك معنى نظرة الصياد، امهلني قلي.... مات العصفور

عارفين الحكاية دي اسمها ايه!؟

العصفور يرقص العصفور يغرد...العصفور يموت

2006-12-28T12:44:00.000-08:00

لا تحزن اذا جاءك سهم قاتل من أقرب الناس الى قلبك ..فسوف تجد من ينزع السهم ويعيد اليك الابتسامة والحياة.

2006-12-22T04:38:00.000-08:00

لا تكن مثل مالك الحزين ذلك الطائر الجميل الذي يغني وهو ينزف

فلا شئ يستحق نقطة من دمك